अकोला/प्रतिनिधी
बहुजन समाजाची राजनीती यशस्वी न होऊ देण्यासाठी मनुवादी पक्ष सतत बहुजन समाजाच्या नेत्यांना आपल लक्ष करीत असतात त्यामुळे देशात बीएसपी आणि महाराष्ट्रात वंचित बहुजन आघाडी यांना नेहमीच असे धक्के बसत आलेत. पण ह्यावेळी अकोला जिल्ह्यातील वंचित बहुजन आघाडीचे माजी आमदार श्री. बळीराम सिरस्कार आणि श्री. हरीदास भदे यांनी श्री. राहुल डोंगरे यांच्या पुढाकाराने राष्ट्रवादी काँग्रेस पार्टीचे राष्ट्रीय अध्यक्ष खा.शरद पवार यांच्या उपस्थितीत पक्ष प्रवेश केला. याप्रसंगी राष्ट्रवादी काँग्रेसचे ज्येष्ठ नेते ना. छगन भुजबळ, प्रदेशाध्यक्ष ना.जयंत पाटील व खा.सुनील तटकरेही उपस्थित होते.
माजी आमदार श्री. हरीदास भदे हे १९९२ साली जि. प. सदस्य व अकोला पंचायत समितीचे सभापती होते. २००३ साली ते पुन्हा जि. प. सदस्य झाले तर २००४ मध्ये अकोला जिल्ह्यातील बोरगाव मंजू विधानसभा मतदारसंघाचे ते आमदार झाले. सन २००९ मध्ये हा मतदारसंघ अकोला पूर्व म्हणून ओळखला जाऊ लागला. या मतदारसंघातून ते विधानसभेवर दुसऱ्यांदा आमदार झाले. शिवाय वंचित बहुजन आघाडीचे राष्ट्रीय महासचिव म्हणून ते कार्यरत होते.
तसेच माजी आमदार श्री. बळीराम सिरस्कार हे २००१ मध्ये अकोला जि. प. अध्यक्ष होते. त्यानंतर २००३ मध्ये ते दुसऱ्यांदा जि. प. सदस्य झाले. अनुक्रमे २००९ आणि २०१४ मध्ये ते बाळापूर मतदारसंघातून विधानसभेवर निवडून गेले.
या दोन्ही नेत्यांना त्यांच्या भावी वाटचालीसाठी शुभेच्छा!
.jpg)
